حمدوك قال هنالك قرارات حاسمه خلال اسبوعين ..
ويبدو لي دي ياها قراراتو
" عندي أسئله بسيطه محتاجه لي إجابات واضحة" ؟؟؟!!!
1/ عليكم الله يعني نحن هسي مشكلتنا كلها إتلخصت في إنو في زوجه عايزة تسافر بي ولدها أديس أبابا و القاهره وزوجها رفض ليها وركب راس ما تسافر بي ولدو إلا بي موافقته عشان كدا الجماعة ديل إجتهدوا لينا في الموضوع دا وحلوهو ؟؟؟!!!
2/ ولا مشكلتنا إنو في زول عندو أفلام مخلة بالآداب العامة (سكس) في تلفونو وهو شايف إنها نوع من الفن والإبداع ونحن شايفنها قلة ادب ؟؟؟!!!
3/ ولا مشكلتنا إنو في واحد داير يعمل ليه مكان خمر ولا (بااار) عشان يأكل منو أولادو ودايرين نقيف معاهو ؟؟؟!!!
4/ ولا مشكلتنا إنو في واحد لقى ليه كنيسه قالت ليه تعال أنا بزبط ليك أمورك وبسفرك أمريكا و دول الإتحاد الأوروبي لكن خلي الاسلام دا وتعال لينا (دعاه تبشير) ؟؟؟!!!
5/ ولا مشكلتنا في ختان الإناث و عايزين نوقفوا ؟؟؟!!!
6/ ولا مشكلتنا في تعديل ماده الدعاره في القانون الجنائي السوداني ؟؟؟!!!
نحن مشكلتنا ما قلة أدب نحن أصلا مجتمع أغلبوا قليلين أدب إلا من رحمه الله نحن مشكلتنا ناكل ونشرب و استقرار البلاد و الأمن ...
للأمانه التعديلات دي ما بتخص الفقراء لأنو مافي فقير عندو حق المواصلات الداخليه ناهيك من يسافر بره السودان !!!!...
ولا مشكلتنا في الزي الفاضح لأنو الفقراء أصلا عريانين من الملابس ما عندهم البسيط خلي الفاضح !!!...
ولا مشكلتنا ما إنو نشيل أفلام جنسيه في تلفوناتنا عشان نشاهدها نحن أصلا ما قادرين ناكل عشان نفكر في الجنس !!!...
ولا مشكلتنا خمر وفتح أماكن للخمر (البارات) لأنو نحن لبن ما عندنا مقدرة نشتريهو نشربو في عهدكم ناهيك عن نشتري الخمره و الويسكي و الكونياك !!!....
ياريت حمدوك و بقيه شله أحزاب الخراب ديل يوعوا و يعلموا إنو مشكلتنا في بطنا م في سروالنا ...
وإنت ي البتقرأ ركز في كلامي دة كويس واحسبا براك بينك و بين واقعك الحاضر وشوف إنت طلعت الشارع لشنو و حصل شنو
وأبعد من سواقة الخلا السايقنك ليها دي ماشي مخموم مع القطيع و غاشنك بهوس الكيزان و الدوله العميقة و العساكر ...
الناس لازم تكون واعيه للبيحصل حولها من خطط لعملاء الغرب أصحاب الجوازات الأجنبيه ....
#اللهم_قد_بلغت_اللهم_فاشهد
ليست هناك تعليقات:
إرسال تعليق