لجان المقاومة الفتيحاب

• السلام عليكم سكان الفتيحاب
• تنسيقية لجان مقاومة الفتيحاب الثورية و لجنة مربع ١
• ...
• الليلة تم تعقيم مركز صحي مربع ١ ومسجد الشيخ أحمد ود سليمان ومسجد آخر وكمية من البقالات ومداخل البيوت وجزو كبير جدا من مربع ١ ع اساس انو ح يتم التعقيم بشكل كامل في مقبل الايام بالتعاون مع وزارة الصحة في نص الحملة الح تتعمل لكل الفتيحاب ان شاء الله،
• ما خافي علينا كم الوفيات الحصلت الفترة الفاتت في كل الفتيحاب وخصوصا مربع واحد، ندعو ليهم بالرحمة والمغفرة وحسن المآب، وكلنا عارفين وما خافي علينا الوضع الصحي البتمر بيو البلد والإهمال المصاحب وعدم المسؤلية والاستهزاء بالمرض الممكن يوصلنا لي نتائج ما ح ينفع فيها ندمنا عشان كده حملة التعقيم دي كانت معاها حملة توعية مصاحبة بي مكبر صوت لفت كل شوراع مربع ١ وكان التجاوب كبير من سكان المربع 💚
• يا ناس ابقوا عشرة لانو الفتيحاب في دائرة الخطر واتصنفت كمنطقة وباء شئنا ام أبينا، ما تبقوا سبب في أذية الناس الكبار وابقوا عشرة عليهم وعلى حبايبكم، لأنو اغلب حالات الوفاة الحصلت دي كانت بي اعراض أقرب لي اعراض الكورونا والقاسم المشترك بين  كل حالات الوفيات ضيق التنفس وده عرض عندو علاقة مباشرة مع الكورونا، ما ننسى انو كل مربعات الفتيحاب داخل دائرة الخطر، يعني في يومين حصلت ٣ حالات وفاة في مربع ٦ براهو و٦ حالات في مربع ١ وفي توجس كبير جدا في مربع ٢ و١١ و١٣ و٨ و٧
• ف رجاء الناس تلزم البيوت وابعدو من أي تجمع وما تمشو  اي عزا ولا حتى المقابر،  كلامنا ده ما بيعجب زول لكن دي الحقيقة المفترض كلنا نتعامل معاها بمنتهى الجدية ولا ح نندم و وكتها ما ح ينفعنا الندم
• .....
• حمانا الله وأياكم ورحم موتانا واسكنهم فسيح جنانه مع الصديقين والشهداء وحسن أولئك رفيقا 💚🤲🏽
• ......
• إعلام تنسيقية الفتيحاب 📌
• صفحة لجان الفتيحاب الثورية الرسمية https://www.facebook.com/لجان-مقاومة-الفتيحاب-الثورية-267703244028659/
• ....