يا مريض السكر ...
- دكتور .. انا عندي السكر، أصوم؟
- لأ .. وهقولك ليه.
- بس انا السكر مظبوط وارقامه كويسة صايم وفاطر وتراكمي
- برضو لأ .. وهقولك ليه.
- يا دكتور انا شاب وصحتى زى الفل وقاعد في رمضان في البيت لا خروج ولا عطش.
- برضو لأ .. وهقولك ليه.
- يادكتور معنديش اي امراض ولا ضغط ولا باخد أدوية سيوله.
- برضو لأ .. وهقولك ليه.
- يا دكتور انا مش بعطش، ولا بجوع، وتحليل السكر صايم وفاطر زي الفل.
- برضو لأ .. وهقولك ليه.
- يا دكتور تحليل الكرياتينين Creatinine عندي طبيعي.
- برضو لأ .. وهقولك ليه.
- يا دكتور انا سنى 30 سنة، يعني شباب.
- برضو لأ .. وهقولك ليه.
- يا دكتور انا بنت ومش متجوزة ولا حامل.
- برضو لأ .. وهقولك ليه.
تعال نفهم ...
1- مفيش مريض سكر في الكون بعد مضي 7- 10 سنوات من بدء الإصابة كليته بتعمل بكفاءة ما قبل الاصابة بالسكر، وعلى افضل الأحوال يا مريض السكر كفاءة الكليتين عندك اقل من 80% حتى مع اعتدال نسبة السكر، وقد تقل عن 60% في بعض الحالات.
2- الكرياتينين ليس هو المؤشر الوحيد لسلامة الكلى، هذا التحليل مؤشر "لأحد" الوظائف وهي قدرة الكلية على استخلاص الكرياتينين من الدم، ولكن للكلى نحو 12 وظيفة اخري لا يكشفها مستوى الكرياتينين.
3- مرض السكر عبارة عن خلل في التمثيل الغذائي - وللأسف - حتى لو اكتشفت السكر تاني يوم من اصابتك به، وهذا مستحيل لأنه لا يبدأ فجأة، وظل مستوى السكر منتظما كل ساعة وكل يوم فلا بد وان تصاب ببعض مضاعفات المرض وهي تراكمية عبر السنوات.
4- مشكلة مرض السكر ليست في ارتفاع نسبة السكر ولا انخفاضه ولا انتظامه. المشكلة هي اضطراب وظيفة الانسولين ذلك الهرمون المسؤول عن دخول السكر للخليه يعنى ممكن يكون السكر في الدم مرتفع 300 مجم% والخلايا جعانه سكر !!
5- اضطراب وظيفة الانسولين هي احد أمرين، إما أن افرازه معطل (قليل او منعدم) كما هو النوع الأول من السكر، او انه موجود وبكمية طبيعية ولكن استقباله لدي الخلايا معطل لاسباب عدة كما هو النوع الثاني.
6- مش عايز انكد عليك واقولك ان لخبطة السكر بتستدعي هرمون الأدرينالين اللى بيعمل "ضوضاء وشغب" في كل وظائف الجسم: ضربات قلب ولا كأنك طالع سلم، ارتفاع ضغط ولا كأنك بتتخانق، حرق سعرات وتشنج عضلي ولا كأنك في المعتقل، يقظة واضطراب نوم ولا كأنك في مغارة، تحفيز كل غدد الجسم بلا داعي وكأنك في حالة حرب.
7- في كل هذه المتاعب، تتحمل الكلي العبء الاكبر من اضطراب مستوى السكر، فهناك وظيفة الخلاص من السكر المرتفع بالدم (غالبا اعلى من 180مجم%) لتخفيض الاذى وضبط الضغط الازموزي للدم بعدما اصبح قوامه ثقيلا ويوشك ان يتجلط وذلك بافراز هذا "العسل" في البول، ولكن تحتاج الكلي الى كميات هائلة من الماء لتصرف السكر عبر البول.
بص .. من الآخر يا مريض السكر
انت ممكن تصوم وفاكر نفسك صح، بس كليتك بتدفع التمن حتى لو شربت بئر زمزم قبل الفجر، لان الناس متعرفش ان الكلية محدش يقدر يضحك عليها، ومهما شربت كمية ماء في السحور وزي ما بتعمل قبل ادان الفجر وانت عمّال تشرب وتشرب .. الكلية مطالبة بتثبيت تركيز الماء في الجسم عند رقم معين، وكل الماء اللى حضرتك شربته قبل ادان الفجر لازم ينزل في خلال ساعة وهنا يتساوى اللى شرب برميل ماء مع اللى اتسحر ونسي يشرب.
يا اخي، راجع طبيبك المعالج لمزيد من التحري ولكن لا تزايد على رب العزة. هو بيقولك خد الرخصة وافطر وصيامك معتمد، تقوم حضرتك لأنك اكرم منه (استغفر الله) تقول له شكرا يارب مش عايز منحتك !!
اتكلموا يا اطباء ... ساكتين ليه؟
د. بهي الدين مرسي Baheyeddin Moursy
- دكتور .. انا عندي السكر، أصوم؟
- لأ .. وهقولك ليه.
- بس انا السكر مظبوط وارقامه كويسة صايم وفاطر وتراكمي
- برضو لأ .. وهقولك ليه.
- يا دكتور انا شاب وصحتى زى الفل وقاعد في رمضان في البيت لا خروج ولا عطش.
- برضو لأ .. وهقولك ليه.
- يادكتور معنديش اي امراض ولا ضغط ولا باخد أدوية سيوله.
- برضو لأ .. وهقولك ليه.
- يا دكتور انا مش بعطش، ولا بجوع، وتحليل السكر صايم وفاطر زي الفل.
- برضو لأ .. وهقولك ليه.
- يا دكتور تحليل الكرياتينين Creatinine عندي طبيعي.
- برضو لأ .. وهقولك ليه.
- يا دكتور انا سنى 30 سنة، يعني شباب.
- برضو لأ .. وهقولك ليه.
- يا دكتور انا بنت ومش متجوزة ولا حامل.
- برضو لأ .. وهقولك ليه.
تعال نفهم ...
1- مفيش مريض سكر في الكون بعد مضي 7- 10 سنوات من بدء الإصابة كليته بتعمل بكفاءة ما قبل الاصابة بالسكر، وعلى افضل الأحوال يا مريض السكر كفاءة الكليتين عندك اقل من 80% حتى مع اعتدال نسبة السكر، وقد تقل عن 60% في بعض الحالات.
2- الكرياتينين ليس هو المؤشر الوحيد لسلامة الكلى، هذا التحليل مؤشر "لأحد" الوظائف وهي قدرة الكلية على استخلاص الكرياتينين من الدم، ولكن للكلى نحو 12 وظيفة اخري لا يكشفها مستوى الكرياتينين.
3- مرض السكر عبارة عن خلل في التمثيل الغذائي - وللأسف - حتى لو اكتشفت السكر تاني يوم من اصابتك به، وهذا مستحيل لأنه لا يبدأ فجأة، وظل مستوى السكر منتظما كل ساعة وكل يوم فلا بد وان تصاب ببعض مضاعفات المرض وهي تراكمية عبر السنوات.
4- مشكلة مرض السكر ليست في ارتفاع نسبة السكر ولا انخفاضه ولا انتظامه. المشكلة هي اضطراب وظيفة الانسولين ذلك الهرمون المسؤول عن دخول السكر للخليه يعنى ممكن يكون السكر في الدم مرتفع 300 مجم% والخلايا جعانه سكر !!
5- اضطراب وظيفة الانسولين هي احد أمرين، إما أن افرازه معطل (قليل او منعدم) كما هو النوع الأول من السكر، او انه موجود وبكمية طبيعية ولكن استقباله لدي الخلايا معطل لاسباب عدة كما هو النوع الثاني.
6- مش عايز انكد عليك واقولك ان لخبطة السكر بتستدعي هرمون الأدرينالين اللى بيعمل "ضوضاء وشغب" في كل وظائف الجسم: ضربات قلب ولا كأنك طالع سلم، ارتفاع ضغط ولا كأنك بتتخانق، حرق سعرات وتشنج عضلي ولا كأنك في المعتقل، يقظة واضطراب نوم ولا كأنك في مغارة، تحفيز كل غدد الجسم بلا داعي وكأنك في حالة حرب.
7- في كل هذه المتاعب، تتحمل الكلي العبء الاكبر من اضطراب مستوى السكر، فهناك وظيفة الخلاص من السكر المرتفع بالدم (غالبا اعلى من 180مجم%) لتخفيض الاذى وضبط الضغط الازموزي للدم بعدما اصبح قوامه ثقيلا ويوشك ان يتجلط وذلك بافراز هذا "العسل" في البول، ولكن تحتاج الكلي الى كميات هائلة من الماء لتصرف السكر عبر البول.
بص .. من الآخر يا مريض السكر
انت ممكن تصوم وفاكر نفسك صح، بس كليتك بتدفع التمن حتى لو شربت بئر زمزم قبل الفجر، لان الناس متعرفش ان الكلية محدش يقدر يضحك عليها، ومهما شربت كمية ماء في السحور وزي ما بتعمل قبل ادان الفجر وانت عمّال تشرب وتشرب .. الكلية مطالبة بتثبيت تركيز الماء في الجسم عند رقم معين، وكل الماء اللى حضرتك شربته قبل ادان الفجر لازم ينزل في خلال ساعة وهنا يتساوى اللى شرب برميل ماء مع اللى اتسحر ونسي يشرب.
يا اخي، راجع طبيبك المعالج لمزيد من التحري ولكن لا تزايد على رب العزة. هو بيقولك خد الرخصة وافطر وصيامك معتمد، تقوم حضرتك لأنك اكرم منه (استغفر الله) تقول له شكرا يارب مش عايز منحتك !!
اتكلموا يا اطباء ... ساكتين ليه؟
د. بهي الدين مرسي Baheyeddin Moursy
ليست هناك تعليقات:
إرسال تعليق